“Partizani, vështirë se do ta lëshojë vendin e parë”

Sot, Skënderbeu luajti kundër Kukësit, ndeshje që përfundoi me rezultatin 1-1. Për këtë takim ishin të pranishëm edhe analistët sportivë në panelin e emisionit “Gol pas Goli” në Supersport, të cilët diskutuan para dhe pas ndeshjes.

Kjo përballje ishte e rëndësishme edhe për ekipin e Partizanit, i cili nesër ka mundësinë e artë për të kapur vendin e parë, me pikë të barabarta me Kukësin. Për këtë foli, edhe Luan Pinari që deklaroi: “Kjo ndeshje do të jetë e rëndësishme dhe për Partizanin. Nëse të kuqtë do të kapin vendin e parë, vështirë se do ta lëshojnë’, theksoi Pinari ndër të tjera.