Partizani ka rinisur ditën e sotme përgatitjet për ndeshjet e rradhës në kampionat dhe në Kupë respektivisht ndaj Laçit dhe Tërbunit.
Megjithatë grupi i lojtarëve në stërvitjen e sotme të pasdites ishte pothuajse i përgjysmuar, me tre futbollistë që mungojnë për arsye të grumbullimeve me Kombëtaren. Alban Hoxha, Rubin hebaj dhe Besnik Ferati nuk ishin sot pjesë e skuadrës, ndërkohë që është bashkuar me grupin nën urdhërat e trajnerit Gega blerja më e re Erald Çinari.
Njoftimi i plotë i klubit të Partizanit:
Skuadra ka rifilluar sot përgatitjet në prag të ballafaqimeve të radhës ndaj Tërbunit për Kupën e Shqipërisë dhe Laçit në kampionat. Në kompleksin sportiv "Tirana Internacional" të Pezës, grupi i lojtarëve ka zhvilluar pasdite seancën stërvitore në orën 16:30. Kapiteni Alban Hoxha, sulmuesi Rubin Hebaj dhe mesfushori Besnik Ferati rezultojnë mungesat e vetme pasi janë të impenjuar me ekipet përfaqësuese, ndërkohë që përgatitjeve të skuadrës i është bashkuar edhe Erald Çinari. Në drejtimin e trajnerit Gega dhe stafit teknik grupi ka kryer normalisht programin stërvitor. Përgatitjet do të vijojnë të enjten me seancën e radhës në orën 16:30.
Lexo gjithashtu
