Pas prishjes së Stadiumit “Qemal Stafa”, Partizani tashmë mbetet pa “shtëpi” dhe me shumë mundësi, ndeshjet brenda, të sezonit të ardhshëm, do t’i zhvillojë në Stadiumin “Elbasan Arena”. Burime pranë klubit të kuq, bëjnë me dije se është arritur një marrëveshje me drejtuesit e stadiumit dhe drejtuesve të kuq. Partizani ka nisur punimet per një kompleks gjigand, në të cilin është në projekt për t’u ndërtuar dhe një stadium me 4 mijë vende. Gjërat po ecin mbarë për të kuqtë, duke qenë se po punohet me tri turne dhe kompleksi pritet të jetë gati në janar. Kështu që, “Demat” janë të detyruar t’i luajnë ndeshjet pritëse në “Elbasan Arena”.
