Partizani gati për sfidën, shkel tokën shqiptare

Skuadra e Partizanit ka mbërritur mesditën e sotme në atdhe. Të kuqtë ishin për një fazë përgatitore  dy javore në Asbruco të Italisë duke kryer disa seanca stërvitore intensive nën urdhrat e trajnerit Dalipi. “Demat” u përgatitën në kuadër të kupave të Europës, ku të martën do të kenë përballjen e tyre të parë. Partizani do të luajë kundër Slovan Bratislavës, ndeshje që në letër duket shumë e vështirë për të kuqtë. Por duke qenë se ndeshja e parë luhet në shtëpi, përkatësisht në stadiumin “Elbasan Arena”, Partizani do të mund ta kalojë këtë sfidë duke pasur edhe mbështetjen e tifozërisë së kuqe, të cilët priten të jenë të shumtë në numër pavarësisht orarit që është parashikuar të luhet ndeshja.