Partizani ka vijuar dhe sot përgatitjet për ndeshjen e kampionatit kundër Laçit që do zhvillohet të dielën.
Të kuqtë kanë kryer sot seancën e parafundit stërvitore, ku në dispozicion të trajnerit Skënder Gega ishte i gjithë grupi pa asnjë mungesë. Një lajm vërtet i mirë ky për teknikun e kryeqytetasve, me seancën që u bazua kryesisht në ushtrime tekniko-taktike. Nesër do të zhvillohet dhe seanca e fundit stërvitore përpara sfidës me kurbinasit.
Njoftimi i plotë i klubit të Partizanit:
Skuadra vijon përgatitjet për takimin e radhës në kampionat ndaj Laçit. Seanca e sotme është zhvilluar si zakonisht në orën 16:30 në kompleksin “Tirana Internacional” në Pezë. Prezent nën urdhrat e trajnerit Gega dhe stafit kanë qenë të gjithë lojtarët. Seanca e sotme ka qenë e karakterit tekniko-taktik dhe të gjithë lojtarët kanë kryer normalisht programin e përcaktuar nga stafi. Të shtunën ekipi do të zhvillojë edhe seancën e fundit në orën 16.30.
Loading ...
