Kukësi-Vllaznia është një nga dy ndeshjet e ditës së sotme në Kategorinë Superiore. Shkodranët kryesojnë kampionatin dhe kërkojnë që të vazhdojnë ecurinë pozitive, ndryshe nga Kukësi që nuk po kalon një moment të mirë. Para kësaj ndeshje ka folur edhe zv.trajneri i Vllaznisë, Elvis Plori për “Supersport” u shpreh:
Sfida ndaj Kukësit dhe mungesat? “Do mundohemi me mundësitë që kemi dhe pa presion. E kemi theksuar edhe gjatë stërvitjes që mendojmë për ndeshjen e radhës e të gjithë të tregojnë vlerat e veta. Nuk kemi hyrë me synime të mëdha dhe kjo ka bërë që lojtarët të futen në fushë e të argëtohen. Nuk kemi pse të trembimi dhe nuk kemi presion edhe po të humbim.
E kemi analizuar humbjen ndaj Kukësit dhe po ta shikosh rezultati nuk ishte i drejtë. Kukësi është i ndarë në dy pjesë, duhet ta kesh frikë në repartin e sulmit, ndërsa në mbrojtje kanë pasur probleme. Ne duhet të minimizojmë gabimet që të mos ta pësojmë si në ndeshjen e kaluar.
Tani duhet të jemi me lojtarët dhe po ta shikosh që mungesat që kemi janë zëvendësuar shumë mirë. Në momentin që e bind një lojtar që ka humbur formacionin është më mirë pasi kështu është futbolli. Shpresoj që Kalaja të bëjë një ndeshje të mirë sot edhe pse nuk ka shumë minuta në këmbë”.
Barazimi? “Ne duhet të mbajmë këtë ritëm jo vetëm me pikët, por edhe në lojë. Që në momentin është ndërtuar kjo skuadër, filozofia ishte kjo. Te Vllaznia nuk ka hatërmbetje dhe të gjithë punojnë për një qëllim. Kemi dalë në konkluzion që ne duhet të ndëtojmë një skuadër me harmoni të plotë dhe që bën spektakël në sulm. Nuk duhet t’i përshtatemi kundërshtarit pasi dihet që në Shqipëri ka shumë pak diferenca”.
Loading ...
