I ftuar në emisionin e "Supersport" , "Zona Gol", Olsi Rama drejtor sportiv i Partizanit, ka folur për ekipin e të kuqve dhe ecurinë e deri tanishme amdje ka zbukuar edhe merkaton e mundshme.
Olsi Rama ka thënë: "Unë jam i mërzitur sepse nuk kemi dalë në lojën tonë. Është mëse normale që në kampionat të kesh probleme vazhdimësie, e dija shumë mirë që do të vinte një moment i tillë. Ngarkesat ishin të mëdha. Kemi pasur dy faza përgatitore, për kupat e Europës, madje dhe për muajn gusht. Djemtë janë të rinjë, nuk janë mësuar me presionin.
Fitorja e Partizanit do jetë kur stadiumi të jetë plot. Ka një përmirësim edhe në fushën tonë, edhe në fushat e tjera, që mbushen kur luan Partizani.
Dritan Shakohoxha ka "ngacmuar" Olsi Ramën, për një sulmues që vjen nga Amerika tek Partizani.
"Ti je gazetar i mirë. Dilaver Duka është një lojtar, i cili Gega e njeh. Është një lojtar me tipare sulmuese. Kemi diskutuar me të. Ka gjak shqiptar, ka pranuar që të vijë dhe ta provojë. Ai vjen pas një dëmtimi. Kam besim që do të tregoj vlerat. Personi është pozitiv si njeri nga ana morale, si profesionist ka vlera, por do ta shohim. Është e vërtetë që merkato e janarit është e vështirë".
Lexo gjithashtu
