Portieri i Kombëtares shqiptare, Thomas Strakosha padyshim që është një ndër talentet me pritshmëritë më të mëdha në Itali. Ndonëse për lojtarin kuqezi kanë ardhur oferta nga klube të mëdha, drejtuesit e Lazios vendosën të mos lëshonin “pe” dhe të blindonin “gardianin” shqiptar.
Ofertat kanë qenë konkrete dhe këtë e ka konfirmuar portieri i katërt i Lazios, Marius Adamonis. Në një prononcim për mediat italiane, “gardiani” ka komplimetuar shqiptarin duke thënë se ky i fundit meriton vendin e titullarit.
“Edhe këtë vit do të jetë gjithmonë Strakosha portieri titullar te bardhekaltrit. Prej kohësh nuk shihej mes portierëve të rinj dikush me një talent si ai. Gjatë verës, shumë klube të mëdha e kërkonin, por Lazio refuzoi të gjitha ofertat. Grixhioni nuk donte të hiqte dorë nga ai, pasi nuk kishte një zëvendësues që kishte një përgatitje të njëjtë me Strakoshën”.
Loading ...
