Bajram Jashanica është një nga lojtarët kryesor të Skënderbeut. Me rikthimin e tij në fushë pas dy vitesh pezullim nga UEFA, korçarët janë forcuar akoma edhe më shumë në repartin e mbrojtjes. Në një prononcim për "RTSH Sport", kapiteni Jashanica u shpreh se objektivi i Skënderbeut është Europa e gjithashtu foli dhe për të ardhmen e tij.
"Ndeshjet e Kupës janë me dy takime dhe e dimë që kemi një grup të mirë lojtarësh, por duhet ta analizojmë humbjen ndaj Bylisit. Duhet të mësojmë nga gabimet që mos t'i përsërisim ato gabime në ndeshjen e kthimit. Edhe pauza ka ndikuar pasi kemi pasur pak kohë në dispozicion për stërvitje, por do t'i marrim ndeshjen me radh pasi kemi edhe një kontigjent të mirë lojtarësh e trajneri do të bëjë lëvizjet e tij në formacion.
Objektivi jonë është gjithmonë për zonën e Europës dhe ndeshja e radhës ndaj Laçit duhet ta marrim seriozisht. Këtu në shtëpinë tonë nuk duhet të lëmë asnjë pikë pasi këtu jemi më të fortë dhe duhet të japim maksimumin".
E ardhmja? "Mendjen e kam te Skënderbeut tani për tani dhe duhet të luaj ndeshjet që kanë mbetur. Çfarë të sjelli merkato është fat e shpresoj për mirë pasi deri tani nuk kam pasur fat fare. Shpresoj që në një të ardhmen të afërtë, por së pari të jemi mirë e të marrim rezultate pozitive me skuadrën", u shpreh Jashanica.
Lexo gjithashtu
