Për herë të parë në Tiranë do të zhvillohet “Kupa e Bashkisë”, një kampionat minifutbolli për femra që do të zhvillohet mes shkollave të mesme të kryeqytetit. Ky aktivitet synon të nxisë te vajzat pasionet e ashtëquajtuar “për meshkuj”, siç është edhe futbolli, një sport shpesh edhe i paragjykuar për femrat. Por e vërteta është që pasionet s’kanë gjini dhe jo rrallëherë femrat kanë shkëlqyer edhe në “sportet e meshkujve”. I gjithë kampionati do të zhvillohet në kujdesin e veçantë të Bashkisë së Tiranës , mbështetur edhe nga Federata Shqiptare e Futbollit që nga ana tjetër, shpreson që nga kampionati, në dukje amator, të dalin edhe telentet profesioniste të cilat në të ardhmen mund të na dhurojnë një futboll spektakolar femëror.
Loading ...
