Ide Kulibali mund t’i bashkohet Partizanit. Ky është lajmi më i ri që qarkullon në vendin tonë teksa raportohet se klubi i kuq ka nisur negociatat me futbollistin nga Guinea Bisau. Është i gjatë 204 cm dhe momentalisht po luan me skuadrën e Boavista B ku ka arritur të shënojë 6 gola në 10 ndeshje.
Sipas RTSH Sport, drejtuesit e Partizanit kanë nisur bisedimet, por ende s’ka diçka konkrete. Po punohet në dy fronte: Për Karikarin, që nuk ka një përgjigje zyrtare, por edhe për lojtarin e sipërpërmendur.
Kujtojmë që vitin e shkuar Kulibali ishte pranë kalimit te Kukësi, por më pas verilindorët u tërhoqën duke marrë Amildo Balden që nuk la gjurmë në kampionatin shqiptar. Tashmë pritet me interes të mësohet se çdo të ndodhë me Kulibalin. 25-vjeçari po kalon momente të mira në kampionatin portugez, por në ligat inferiore.
Loading ...
