Ekipi debutues i Superiores për sezonin e ardhshëm, Korabi, ka pësuar një sërë ndryshimesh gjatë periudhës që kur ka përfunduar kampionati e deri më sot. Është larguar drejtori i përgjithshëm dhe stafi teknik me në krye Dritan Mehmetin. Ndërsa ende nuk dihet gjë për të ardhmen. Por, “neësport.al” zbulon sesi do të operohet në merkaton e verilindorëve, të cilët nuk duan të jenë kalimtarë në Kategorinë Superiore.
[caption id="attachment_9907" align="alignleft" width="300"]
Fehmi Mëziu, Drejtori i Përgjithshëm i Korabit[/caption]
Nesër do të miratohet vendimi për kalimin në krye të klubit të ish-presidentit Fehmi Mëziu, i cili është votëbesuar nga bashkia e qytetit për të marrë drejtimin e klubit. Me vendosjen në krye të Mëziut, do të nisin të gjitha punimet për ndërtimin e skuadrës së sezonit të ri. Kështu, 24 orët e ditës së hënë do të jenë vendimtare për skuadrën dibrane.
Sa i përket trajnerit, ai pritet që të emërohet brenda kësaj jave. Drejtuesit edhe pse kanë kaluar një sërë problemesh këto ditë, nuk kanë harruar të kontaktojnë figura të ndryshme për stolin, i cili pritet t’i besohet një trajneri me eksperiencë. Për momentin nuk bëhen të ditur emrat, por brenda kësaj jave do të përcaktohet tekniku.
Veç stafit teknik, drejtuesit kanë menduar për skuadrën e ri, e cila do të ndërtohet mbi bazat e asaj që mbylli sezonin. Pra, do të ruhet grupi në një pjesë të konsiderueshme dhe do të punohet për të ardhmen, duke piketuar dhe emra të dëgjuar. Nga porta në sulm do të ketë përforcime, të cilët do të jenë në numër të limituar, pasi nuk mund të lihen jashtë ata që nxorën këtë ekip në Superiore. Megjithatë, duke parë kërkesat e stafit teknik, do të bëhen dhe punimet për Korabin e “Ri”.
Lexo gjithashtu
