Kukësi mundi 2-1 me përmbysje Bylis. Dyshja Ibraimi-Eze kanë qenë vendimtarë, teksa kanë bërë të mos vlejë goli i ballshiotëve. Ibraimi dhe Eze për Kukësin kanë shënuar nga tetë gola secili, nga 20 që verilindorët kanë në total. Kukësi sheh kështu vazhdimësinë, ndërsa për Bylis drithen themelet pasi mallakastriotët pas 16 javësh e shohin veten në vendin e fundit.
Pas ndeshjes, për Gol pas Goli foli trajneri i Kukësit, Rraman Hallaçi:
“Kemi vuajtur pak fillimin e ndeshjes. Menduam që të kishim presionin lartë por morëm golin. Në fillim treguam grintë, luajtëm dhe barazuam si fillim. Ekipi ka vrapuar, ka bërë maksimumin dhe janë të njëjtët futbollistë që luajnë cdo katër ditë. Kemi nevojë për përmirësime.
Po munohemi të afrojmë 3-4 lojtarë dhe do e bëjmë sepse kemi nevojë. Duhet t’i harrojmë gjërat e këqija. Çështë e vërteta kishim edhe disa mungesa, por u munduam që të merrnim masa. Eze dhe Ibraimi janë pjesë referimi, kanë CV të pasur. Jam shumë i kënaqur edhe me Taipin. Komplimetoj Demirin se ka bërë disa role, nga mbrojtës në mesfushor dhe ka sakrifikuar.
Është normale që drejtuesit të rrijnë pranë lojtarëve sepse në situata krize, nervat janë në tension e sipër. Kemi bërë edhe takime me presidentin dhe duam që të qëndrojmë pranë. Situata e keqe shkoi pak gjatë dhe ne morëm masat e duhura.
Ndryshimi nga faza e parë? Po, ka ndyshim. Më ra mua bara për të marrë ekipn, fola me drejtuesit dhe u thashë se isha gati. U ndjemë pak në vështirësi por duket se e kaluam. Po punojmë me analizat dhe kam një respekt të madh për trajnerin Gega, trajneri nga trajneri ndryshon dhe secili ka idetë e veta.
Merkato dhe afrimi i qendërmbrojtësit boshnjak? E kemi mbyllur me mbrojtësin e djathtë dhe duhet pak kohë. Ka ardhur edhe qendërmbrojtësi dhe mendoj se do bëj mirë. Po mendojmë skemë të re dhe kuptohet që do kohë. Na duhet një mesfushor dhe një sulmues se do na bëjë shumë punë”, tha Hallaçi.
Loading ...
