Erzeni do të luajë në transfertë kundër Vllaznisë, ndeshje e vlefshme për javën e 10-të të Superiores. Një sfidë e rëndësishme për të dy ekipet, ku priten edhe tifozë të shumtë në shkallët e stadiumit “Loro Boriçi”.
Mbështetësit shijakas kanë bërë me dije se do të jenë të pranishëm. Gjithashtu klubi ka vënë në dispozicion 100 bileta dhe dy autobusë. Megjithatë tifozët e Erzenit duken se i druhen gjykimit në këtë sfidë që do të arbitrohet nga Emanuela Rusta.
Përmes një postimi në kanalin zyrtar, ata shkruanin: “Një arbitre femër vendos drejtësinë në Shkodër me Emanuela Rustan që do të mbështet nga Dojando Myftari dhe Mario Shazivari. Arbitër i katërt është Enea Jorgji ndërsa në VAR dhe AVAR janë Olsion Yzeiraj dhe Elvis Gjoka. Shpresojme tek nje gjykim korrekt”.
Lexo gjithashtu
