Olsi Teqja ishte një nga lojtarët që u trasnferua te Kukësi në fundin e merkatos. Mbrojtësi u largua nga Kamza te skuadra kukësiane në shkëmbim me mbrojtësi tjetër Qaqi. Kukësi do të luajë sfidën e radhës ndaj Tiranës dhe do të kërkojë të marri fitoren e radhës në kampionat pas asaj në Vlorë.
Në një intervistë për "RTSH Sport" Teqja është shprehur se mbrojtja e verilindorëve ka eksperincën e duhur për të ndalur sulmin e Tiranës.
Sfida ndaj Tiranës? Kam përshtypjen se do të jetë një ndeshje shumë e fortë, pasi Tirana ka bërë shumë mirë në javët e fundit. Ne i respektojmë si kundërshtarë, por jo më shumë seç duhet. Jemi optimistë se do të marrim maksimumin nga kjo sfidë".
Sulmi kundërshtar? "Ngoo po bën shumë mirë dhe e kemi ndjekur dhe studiuar me interes të madh. Por nuk duhet harruar as Hasani, pasi po bën një sezon shumë të mirë. Gjithsesi, mbrojtja e Kukësit ka shumë eksperiencë dhe besoj se do ia dalim".
Aventura e re? "Unë e doja transferimin te Kukësi dhe këtu doja të vija dhe disa vite më para. Tani jam këtu dhe jam mëse gati të jap 100% dhe të ndihmoj klubin në arritjen e objektivave", - u shpreh Teqja.
Lexo gjithashtu
