Kapiteni i Vllaznisë, Erdenis Gurishta ka folur pas fitores 0-1 që shkodranët morën në transfertën ballshiote me Bylis. Një gol në sekondat e fundit nga Hoxhaj vendosi sfidën. Kapiteni kuqeblu tha për Gol pas Goli.
“E veçanta e Vllaznisë në fund? Kjo ndeshje ishte jo si të tjerat, për shkak edhe të terrenit pak të rënduar. E dinim vështirësinë e ndeshjes dhe kishim besim. Trajneri na tha që të besonim sepse do vendosej nga një gol dhe ne ia dolëm.
Si ndihesh për vlerësimet? Ndihem mirë që po ecën ekipi, pastaj edhe unë. Primare është Vllaznia, më pas vjen aspekti personal.
Titulli? Është e vërtetë se të fitosh jashtë fushë nuk është e lehtë. Edhe barazimi nuk do ishte i gabuar këtu në Ballsh, por bëmë atë që duhet dhe Zoti na shpërbleu.
Çfarë ka ndryshuar nga vjet? Kam gjashtë vite te Vllaznia, kam dalë nga Akademia. Nuk kam pasur momentet e duhura në vitet e shkuara. Çdo sezon që vjen jam më mirë. Nëse këtë sezon nuk do ishte mirë ekipi, as unë nuk do bija në sy”, mbylli Gurishta 25 vjeçar.
Loading ...
