Tomori arriti të fitonte kundër Egnatias me rezultatin 1-0. Goli i realizuar nga Mikel Canka mjaftoi për vendasit për të marrë 3 pikë të arta. Rruga drejt Superiores është më e qartë se kurrë.
Për të rritur dozat e optimizmit kanë menduar drejtuesit. Ata kanë shpërblyer lojtarët me 6.5 milionë lekë të vjetra. Lajmi bëhet me dije nga vetë beratasit që përmes një postimi në kanalin zyrtar shkruajnë:
"Fitorja me Egnatian, ekipi i Tomorit shpërblehet nga presidenti dhe donatori. Janë 6.5 milionë lekë të vjetra që lojtarët marrin si shpërblim për fitoren kundër Egnatias dhe arritjen e objektivit me mbarimin e fazës së dytë.
Presidenti Ervin Demo jep 3.5 milionë lekë për ekipin dhe donatori Gramoz Toto, 3 milionë. Synimi nga presidenca është Superiorja dhe do të vazhdohet me shpërblime për çdo fitore në fazën e tretë duke nisur nga ndeshja e parë me Pogradecin. Forca Tomori".
Kujtojmë që Tomori gjendet në vendin e dytë me 29 pikë, 2 më pak se Egnatia kryesuese.
Lexo gjithashtu
