Derbi i kryeqytetit dje foli për Tiranën, që në Air Albania mposhti 1-0 Partizanin. Penallti në shtesën e pjesës së parë u kthye në gol nga Limaj, teksa kryesori Hamiti u konsultua me VAR për të marrë vendimin që në fund rezultoi deçiziv.
Penalltia është kontenstuar nga drejtuesit e Partizanit, ndërsa ish-arbitri Lorenc Jemini në Procesi Sportiv tha se vendimi ishte i drejtë dhe se ndërhyrja e mbrojtësit të kuq ishte e gabuar.
"Vendimi i VAR ishte i saktë, mënyra e interpretimit ishte e gabuar pasi u vonua shumë. Por duhet të kuptojmë se VAR tani ka hyrë dhe na duhet të mësohemi me të. Kur ka një rast të dyshimtë, arbitrat në VAR e shohin dhe urdhërojnë kryesorin: "Ndalo lojën". Kudo që të jetë, arbitri duhet ta ndalojë lojën.
U vonuan shumë, por më mirë një vendim i drejtë dhe i vonuar, sesa një vendim i padrejtë dhe i gabuar. Ishte penallti e pastër. Belica ndërhyn nga mbrapa dhe në këmbën e kundërshtarit. Diskutimi e dini ku është? Këto penallti nuk duhet t'i shpëtojnë arbitrit dhe anësorit. Po të mos ishte VAR-i ?", tha Jemini.
Lexo gjithashtu
