Pas largimit të Idriz Bathës nga Partizani, Jasir Asani ishte ai që mori mbi shpinë numrin 10 që mbante mesfushori gjirokastrit. Atë sezon, mëngjërashi shkëlqeu me të kuqtë duke arritur titullin kampion, ndërsa në këtë merkato dimri u huazua në Suedi.
Aventura e tij atje ka përfunduar dhe tashmë gjendet në Shqipëri duke u stërvitur me kryeqytetasit. Edhe pse dëshira e tij ka qenë të marrë të njëjtin numër, drejtuesit s’e kanë pranuar diçka të tillë. Kësisoj, mëngjërashi ka bërë një zgjedhje të çuditshme. Ai do të ketë mbi fanelë në edicionin e ri futbollistik numrin 90.