Ekipi i Bylist në Kategorinë e Parë po vijon prej disa javësh me përgatitjet për sezonin e ri, me synimin e vetëm rikthimin në elitë.
Për këtë mallakastriotët kanë bërë dhe një merkato mjaft intensive deri tani, me disa afrime dhe konfirmime lojtarësh nga sezoni i shkuar mjaft të rëndësishme. Po ashtu edhe ndërtimi i fushës së re stërvitore në Ballsh do ndihmojë shumë ekipin me përgatitjet gjatë sezonit.
Por mesa duket Bylisi po përgatit edhe disa goditje të tjera në merkato, me klubin që premton që do të jenë surprizuese. Në një postim në faqen zyrtare në Facebook, ballshiotët shprehen se do të ketë rikthime “yjesh”, madje edhe nga Superioria, duke lajmëruar afrimin e lojtarëve cilësorë nga Superliga. Vetëm pak ditë më parë Bylisi konfirmoi trajneri e ri për këtë sezon, i cili do të jetë serbo-boshnjaku Veljko Dovedan.
Loading ...
