Miliona lekë për të ndalur kundërshtarët, ja formula për të “prishur” llogaritë e kampionatit

Kanë mbetur edhe katër javë për të mbyllur kampionatin dhe gjithçka mbetet e hapur. Edhe pse pas barazimit në kryeqytet u krijua përshtypja sikur Kukësi i ka të gjitha gjërat në dorë për titullin, asgjë nuk ka përfunduar për Partizanin apo dhe Skënderbeun që ka një pikë më pak.

Veç përballjeve direkte që rezervojnë dy javët e fundit, ka dhe një mënyrë tjetër për të prishur llogaritë për titullin. Të paguash kundërshtarin e kundërshtarit tënd, kjo është skema që ka nisur të aplikohet.
Një çantë me para që udhëton nga njëri qytet në tjetrin, dorëzohet për t’u shpërndarë pas ndeshjes nëse ajo përfundon si duhet. Kështu motivohen skuadrat.

Me këtë lloj formule shumë gjëra mund të ndryshojnë jo vetëm për titullin, por dhe për Europën apo dhe mbijetesën ku po garohet fort.