Dinamo u ngjit zyrtarisht në Superligë, pas 9 vitesh mungesë. Një meritë për këtë arritje të kryeqytetasve ka edhe portieri Edvan Bakaj, i cili ka qënë shpeshherë vendimtar për blutë. "Gardiani" ka dhënë një intervistë për Fax News, ku ka folur për shumë tema.

Bakaj ndihet i lumtur për atë çka ka bërë ekipi këtë sezon, me meritën që i atribuon grupit. Ai thotë se mezi pret të luajë në Air Albania, ndërsa thotë diçka edhe për derbin e mesjavës mes Tiranës dhe Partizanit.

"Nuk kemi patur diçka ekstra për të motivuar skuadrën. Nuk kishte nevojë për fjalë. Largimi i italianëve? Janë gjëra që ndodhin. Dua të falenderoj Morerion dhe Miccolin, të cilët bënë diçka të mirë për grupin. Gjithashtu, duhet të falenderojmë edhe Olsi Ukun.Korabi dhe Burreli kanë qënë rival të vështirë.

Sfida me Egantian do jetë e vështirë. Do jetë një takim Fair Play dhe le ta fitojë kush ta meritojë. Po presim me padurim që Dinamo të luajë në Air Albania dhe stadiumi të mbushet plot. Partizani ka qënë ekipi ku jam rritur. Pastaj u largova. Tiranen e kam në zemër, pasi aty më kanë dhënë besim. Kam qënë dhe unë më i pjekur si lojtar.

Unë kam qënë dhe një herë tjetër te Dinamo. Është skuadër e madhe. Atë vit që kam qënë te Dinamo, pak e kapa ekipin e madh. Shpresoj të vazhdoj këtu. Derbi mes Partizanit dhe Tiranës në mesjavë? Të dyja ekipet janë ekipe të mira dhe shpresoj që të fitoj Tirana.

Ne kemi qënë një ekip i mirë në mbrojtje. Unë kam patur fatin të kem një ekip të mirë. Të gjithë lojtarët kanë qënë lojtar që të japin siguri. Tërheqja nga futbolli? Nëse ti punon, mosha nuk ka rëndësi. Unë jam stërvitur dhe jam shumë serioz.

Trofeu me Tiranën ka qënë i paharrueshëm për mua" - tha ai.