Mësoni çfarë i duhet një tifozi për të mos humbur Europën e Partizanit

Partizani do të ndeshet ditën e enjte me Slovan Bratislavën në kuadër të raundit të dytë eliminator të Europa League. Takimi do të luhet në Sllovaki, në stadiumin e “Senicës”. Mbështetja e tifozëve të  kuq është e domosdoshme për lojtarët në fushë, në mënyrë që të arrijnë një rezultat pozitiv në këtë takim. Tifo-grupi “Ultras Guerrils” ka paraqitur edhe axhendën që do të ndjekin mbështetësit e Partizanit për këtë takim, duke bërë thirrje që të jenë sa më të shumtë në numër. Kostoja totale që i duhet një tifozi të kuq për të ndjekur skuadrën e zemrës, është vetëm 30 euro. Pjesa tjetër e shpenzimeve do të mbulohet nga drejtuesit e klubit Partizani.