Vllaznia barazoi ditën e sotme 0-0 ndaj Kastriotit. Shkodranët nuk arritën të ruanin distancën me ndjekësit dhe rihapën kampionatin. I ftuar në emisionin “Fair Play” me gazetaren Enkeleida Zeko, zv.trajneri Elvis Plori ka folur për merkaton e Vllaznisë. Plori u shpreh se skuadra shkodrane është në kërkim të një sulmues dhe një mesfushori.
“Nuk kemi afruar shumë lojtarë për arsye që të mos prishim grupin që kemi. Skuadra ka nevojë për përforcime dhe lojtari që kemi zyrtarizuar është pjesë e Kombëtares së Togos dhe kemi pasur mundësi ta ndjekim më mirë se lojtarët e tjetër.
Mënyra se si luan skuadra jonë ai do të na ndihmojë shumë. Kur krijon bazën nuk mund të prishet pasi ne kemi lojtarë shumë të mirë që rrijnë në stol. Me 5 zëvendësime ai do të ketë shumë mundësi për të luajtur. Nuk është një afrim që është bërë në minutën e fundit, por është i studiuar nga klubi”.
Afrimet? “Me largimin e Dungës, pavarësisht afrimet të Avdiajt ne mund të afrojmë edhe një sulmues tjetër. Nuk mund ta mbyllim këto merkato pasi po diskutojmë për të marrë një lojtar që mund të na krijojë më shumë stabiltet dhe luan para mbrojtjes”.