Ardian Mema, trajneri i Tiranës ka folur në një speciale të përgatitur tek "Rtsh- Sport", për karrierën e tij. "Kur të thërret gjaku". Mema flet për të kaluarën e tij si lojtar i Tiranës, merkaton, rikthimin e kapitenit Muça, tifozët si dhe për donatorë e rinj që mund të afrohen.
"Në kohën kur unë luaja për Tiranën na kanë kërcënuar në të gjitha format për të lënë ndeshjen, por kemi bërë gjithçka për ta fituar takimin dhe nuk kemi toleruar aspak. Ne jemi rritur ndryshe nga ky brez tani pasi në kohën tonë trajnerët nuk punonin me anën psikologijke, por na bënin lavazh truri vetëm një shprehje " Tirana mbi të gjitha" dhe në këtë mënyrë ne jepnim maksimumin për të fituar çdo ndeshje.
Dorëheqja nga Tirana?
Kur skuadra nuk po fitonte nuk po i hidhja fajën përgatitjeve të ndeshjeve pasi i përgatisnim ndeshjet ashtu siç duhet dhe skuadra luante më mirë se kundërshtari, kemi faluar shumë ndeshje, bënim gabime si te porta kundërshtare po ashtu edhe te e jona. Në këtë mënyrë kam menduar të jap dorëheqjen pasi mendova se mos ndoshta isha unë e keqja e Tiranës pasi rezultatet nuk po vinin.
Rikthimi i kapitenit Muça?
Gent Muça nuk është ende gati për të luajtur këtë e di edhe vet lotjari. Kam folur me të dhe shpresoj që të jetë sa më shpejt gati, por i duhet pak kohë që të rikthehet siç duhet.
Merkato?
Nuk kemi emra konkret, por kemi pasur disa lojtar që na janë ofruar nga menaxher të ndryshëm, por që deri tani asnjë nuk ka qenë në pritshmërin e duhur për ne. Ne duhet të luftojnë në të dyja frontet pasi ne jemi Tirana dhe nuk dorzohemi asnjëherë.
Tifozët?
I uroj tifogrupit "Fanatics" Gëzuar datëlindje. Po ti kishim pasur ne këta tifoza në atë kohë ata do të ishin tifozët më të lumtur në botë pasi do të shikonin atë skuadër që vetëm fitonte. Kjo tifozeri duhet të qendrojë pranë ekipit edhe kur është dobët dhe duhet ta mbështesi skuadrën deri në fund. Mund të ndryshojnë shumë gjëra në këtë kohë pasi te skuadra mund të afrohen donatorë të rinj".
Lexo gjithashtu
