Në orën 13:30 do të startojnë ndeshjet e kthimit në Kupën e Shqipërisë. Sfida tepër interesante pritet të shohim në fushën e blertë, teksa disa prej ekipeve kryesore të Superiores e kanë lënë të hapur kualifikimin për më tej. Partizani-Besëlidhja apo Laçi-Bylis pritet të jenë nga ndeshjet më të nxehta, ndërsa nuk lihet pas sfida në Vlorë mes Flamurtarit dhe Vllaznisë, apo Kukësi-Lushnja në Pezë. Klubi i Tiranës parashikon një ndeshje më të lehtë ditën e sotme, nisur nga rezultati i ndeshjes së parë 3-1 në favor të bardhebluve.
Teksa na ndajnë më pak se 1 orë nga startimi i sfidave, Neësport.al ka mësuar për arbitrat që do të ndajnë drejtësi në ndeshjet e sotme. Bie në sy rikthimi i arbitrave të FIFA-së, si Jorgji e Xhaja, ndërsa i është besuar sërish një femre për të gjykuar në futbollin e meshkujve. Mirela Cemeri do të ndajë drejtësinë në sfidën Kukësi-Lushnja, raporton Newsport.al.
Gjyqtarja Cemeri pjesë e Kolegjiumit të Durrësit, është shpallur arbitërja më e mirë për vitin 2019 nga Federata Shqiptare e Futbollit dhe Shoqata e Arbitrave
Ndeshjet dhe arbitrat kryesor:
Partizani – Besëlidhja/ Kridens Meta
Tirana – Kastrioti/ Klajdi Kola
Laci – Bylis/ Eldorian Hamiti
Flamurtari – Vllaznia/ Enea Jorgji
Luftëtari – Apolonia/ Juxhin Xhaja
Kukësi – Lushnja/ Mirela Cemeri
Teuta – Erzeni/ Hermal Llapra
Skënderbeu – Besa/ Erald Demiraj
Loading ...
