Christian Mba u transferua këtë merkato nga Trepça ’89 te Partizani për 180 mijë euro. Klubi i kuq beson tek nigeriani se do të jetë një zëvëndësues i denjë i Xhuliano Skukës që u shit për një shifër rekord, 1.4 milionë euro. Me 10 gola e 5 asiste në 18 ndeshje, Mba bindi drejtuesit e “Demave” për të derdhur paratë tek ai.
Së fundmi, sulmuesi, në një prononcim për ‘GazetaBlic Sport’ foli për aventurën e tij të re dhe objektivat e sezonit.
“Ishte një pritje e mrekullueshme tek klubi i ri. Një ndjenjë e mrekullueshne poashtu që jam këtu. Prioriteti im i parë është të ndihmoj ekipin tim të arrijë objektivat e këtij sezoni dhe çfarëdo që të ndodhë më pas është një plus për mua”, tha Mba.
