Ardit Iljazi është transferimi i fundit te Erzeni. Klubi shijakas vazhdon të përforcohet, pasi data 20 gusht për fillimin e Abissnet Superiore po afron. Iljazi ishte pjesë e Shkupit prej verës së vitit 2019, teksa sezonin e fundit dha kontributin gjatë fitimit të kampionatit.
Kampionët e Maqedonisë së Veriut nuk rinovuan më pas më lojtarin dhe 22-vjeçari mbeti i lirë. Tashmë synon të tregojë potencialin e tij për herë të parë jashtë Maqedonisë së Veriut.
Mbrojtësi nga Gostivari luan si qendërmbrojtës dhe nuk ka munguar grumbullimi me moshat e Maqedonisë së Veriut. Gjithçka i takon së ardhmes, ku Iljazi do tregojë aftësitë e tij me fanellën e shijakasve veshur.
Poll
Lexo gjithashtu
