Ditën e djeshme, newsport.al publikoi një foto të Mentor Mazrekajt teksa largohej drejt Kosovës, një foto në fakt që mesfushori i të kuqve e kishte postuar në rrjetet sociale ku lajmëronte udhëtimin drejt vendlindjes.
E çuditshme u duk që Mazrekaj të largohej nga kryeqyteti, ndërkohë që përgatitjet e skuadrës vijojnë me intensitet. Por shkaku u kësaj "arratisjeje" të radhës nga ana e lojtarit është debati i ashpër që Mazrekaj ka pasur me ndihmësin e trajnerit Sormani, Kristiano Xhanoti.
Ky i fundit nuk ka pranuar që Mazrekaj të përgatitej me ekipin e parë, ndërsa reagimi i mesfushorit ka qenë i ashpër, duke ngritur zërin dhe duke ofenduar përgatitësin atletik të ekipit.
Sherri është mbyllur brenda pak minutash, por ka dhënë efektin e vet: Mazrekaj ia ka "mbathur" në Kosovë, ndërsa klubi tashmë po përgatit penalitetin ndaj lojtarit.
Lexo gjithashtu
