Lushnja ia doli të mposhtë dje Butrintin në Sarandë me rezultatin 0-2. Një gol në secilën pjesë ka bërë që ekipi i drejtuar nga Ilir Gjyla të mbyllë me sukses fazën përgatitore që zhvilloi prej 10 ditësh në Sarandë. Ka qenë blerja më e re Brunild Pepa që ka kaluar në avantazh lushnjarët në të 27 minutë, duke i hapur rrugë suksesit të verdhjeshilëve.
Trajneri i lushnjarëve ka aktivizuar nga starti i takimit edhe blerjet e reja, duke i alternuar gjatë ndeshjes me lojtarët që kanë qenë në ekip. Pjesa e dytë do të niste me golin e Bazes në minutën e 51, për të vulosur fitoren e lagunarëve. Pas ndeshjes trajneri Gjyla është shprehur i kënaqur me përgatitjet, duke theksuar se jo të gjitha afrrimet e fundit e kanë kaluar klasën, gjë që pritet të sjellë lëvizje në ditët e ardhshme. Katër afrime bëri Lushnja këtë merkato, me emra të tillë si: Pepa, Branica, Lundraxhiu, Nako.
Lexo gjithashtu
