Luftëtari projekton miqësoren e parë, zgjedh kundërshtarin e Flamurtarit

Luftëtari ndodhet në Greqi teksa po zhvillon fazën përgatitore, në kuadër të përgatitjeve për sezonin e ri 2016-2017. Skuadra gjirokastrite do të kthehet nga Greqia në datën 3 gusht. Po në këtë datë drejtuesit e saj kanë vendosur të luajnë një miqësore me skuadrën e Kërkyrës, ekip që luajti me Flamurtarin para disa ditësh.
Trajneri Milenkoviç në këtë mënyrë do të shohë gjendjen e skuadrës së tij dhe do të vendosë pikat mbi i, përsa i përket lojtarëve që do të jenë pjesë e formacionit kryesor për sezonin e ri në Superiore.