Adolfo Sormani duket se do të "marrë me vete" edhe Dorian Kërçikun. Lojtari është aktivizuar vetëm 24 minuta në një ndeshje të Superligës, duke mos gjetur veten te Demat pas largimit nga Tirana. Lojtari firmosi në janar me kampionët në fuqi të vendit një kontratë gjashtë mujor me të drejtë rinovimi për 1 tjetër vit, ndërsa kjo e fundit pritet të mos ndodhë.
Sipas informacioneve të fundit, dëmtimet dhe mos ambientimi me Partizanin do të sjellin largimin e Kërçikut nga Partizani. Ende nuk ka asgjë zyrtare, por duket se drejtuesit nuk do t'I besojnë edhe një tjetër sezon mbrojtësit. Kërçiku në janar gjeti dakordësinë me Bylis, ndërsa u largua nga hoteli në Ballsh natën për t'iu bashkuar Partizanit, aty ku fati dhe dëmtimet nuk ishin me të. Kujtojmë se Lorenc Trashi është larguar zyrtarisht nga klubi, ndërsa ish-lojtari bardheblu pritet të jetë largimi i radhës.
Lexo gjithashtu
