Në studion e Rubrikës Sportive është duke u diskutuar ecuria e Superiores deri më tani dhe i ftuar është dhe futbollisti i Partizanit, Lorenc Trashi. Mbrojtësi 27 vjeçar foli për ndeshjen me Vllazninë, situatën tek Partizani dhe zbuloi diçka nga bashkëbisedimi me ish shokun e skuadrës tek Partizani, Bathën përpara derbit.
Derbi, çfarë i the Bathës para ndeshjes:
“Me Bathën kam kaluar vite shumë të bukura tek Partizani. E kam shumë mik. Kemi shkëmbyer disa batuta para ndeshjes. Në fushë nuk njihemi fare duke parë karakterin e Bathën. Batha ka gjithmonë një moment të vetin, që kur është i mërzitur me faull apo me diçka tjetër më mirë mos ti flasësh fare. Lëre të flasi se nuk merr vesh”, u shpreh Trashi.
Ndeshja me Vllazninë:
“Jam shumë i kënaqur që luaj në të tilla atmosfera, në stadiumin e Shkodrës. Duke parë ato tifozë është kënaqësi më vete. Ka qenë një ndeshje shumë e vështirë. Trajnerit i kemi folur shumë për këtë ndeshje. I kemi thënë që Partizanit nuk i ka ecur shumë në Shkodër dhe donim të thyenim pak atë mallkimin. Gjithmonë kemi pas besim dhe shënuam në fund rëndësi kanë tre pikët.
Ka qenë vetëm fillimi i kampionatit, është ndryshuar pothuajse gjysma e ekipit. Ka më shumë se 10 lojtarë të rinj. Kemi rritje se është e dukshme. Mjafton të kemi besim dhe rezultatet do të vijnë”, tha Trashi.
Moduli 3-5-2 dhe 4-3-3.
“Skema me tre më vjen përshtat duke parë që dal shumë përpara dhe jam shumë afër portës. Për mua nuk është problem luaj në të dyja. Varet nga lojtarët e tjerë më shumë se ka disa që nuk përshtaten. Më vjen mirë se më përshtatet dhe me formacionin e kombëtares. Trajneri ka ndryshuar shumë dhe smund të bësh shumë prova pasi dihet që kampionati mbyllet me 14-16 lojtarë”, u shpreh futbollisti i Partizanit.
Teuta:
“Derisa është në vend të parë ka bërë lojëra të mira, e meriton aty ku është. Kampionati është shumë herët për të folur për titullin. Deri tani kanë luajt lojëra të mirë edhe me ne, pavarisht se ishim në raporte numerike të ndryshme. Presor Bledi ka bërë një punë të mirë me ekipin”, tha Trashi.
Loading ...
