Egnatia e këtij sezoni do t mbahet mend gjatë në qytetin e Rrogozhinës teksa për herë të parë në historinë e klubit, ata fituan Kupën e Shqipërisë dhe do të debutojnë edhe në arenën europiane. Më 20 qershor do të hidhet edhe shorti për ndeshjet kualifikuese të kupave të Europës dhe Egnatia pret me interes kundërshtarin e tyre të parë ndërkombëtar.
Djali i shtëpisë, rrogozhinasi Hysen Memolla, ka ndarë në llogarinë e tij në Instagram një foto në stërvitje dhe shkruan: Së shpejti fillon puna e vështirë, ndërsa përdor edhe hashtagun: Misioni Europë.
Memolla erdhi në merkaton e janarit dhe menjëherë u kthye në protagonist duke dhënë impaktin e tij të vyer që rritën cilësinë në ekip. Presidenti Demrozi ka premtuar se do të ketë 3 afrime të bujshme ndërsa grupi i lojtëarëve nuk do të pësojë ndryshime të mëdha.
