Legjendat e futbollit grek kanë zhvilluar sot një ndeshje miqësore, qëllimi i së cilës ishte mbledhja e fondeve për të kuruar sëmundjen që vuan Artur Lekbello. Ish-futbollisti shqiptar vuan nga një sëmundje e rëndë dhe në Greqi janë solidarizuar për të mbledhur fonde për të.
Në një ndeshje ku pjesëmarrës ishin edhe ish-lojtarë që fituan Euro 2004, pati edhe shumë tifozë ku bëhet me dije që kanë qenë të pranishëm për të ndjekur këtë takim rreth 2 mijë mbështetës. Bileta ishte 5 euro dhe të gjitha të ardhurat e mbledhura do të shkonin për Artur Lekbellon.
Giorgios Karagunis ishte ai që i falënderoi të gjithë tifozët e pranishëm dhe uroi edhe Lekbellon përmes një fjalimi të shkurtër: "Ju falënderojmë që jeni këtu dhe i urojmë Arturit të gjithë më të mirat", përfundoi ai para takimit.
Lexo gjithashtu
