Në fundin e ndeshjes, në momentin kur një nga autobuzët e tifozëve të Kukësit po largohej, tifozë të Skënderbut kanë goditur me sende të forta dhe gurë atë për ta dëmtuar. Live në emisionin “Gol pas goli”, shoferi i autobuzit ka konfirmuar çfarë ka ndodhur ndërkohë që kamera ka fiksuar dëmin e shkaktuar. “Dritat e kabinës i kisha të fikura duke e paramenduar që mund të ndodhte kështu. Na kanë thyer xhamin e prapëm. Ishin rreth 30 tifozë brënda. Tifozët më njoftuan për çfarë ndodhi në fund të autobuzit”, ka deklaruar shoferi i autobuzit.
Policia ka ndërhyrë në kohë vonesë për të larguar më pas agresorët dhe shoqëruar autubozin deri në dalje të Korçës. Burime për newsport.al tregojnë se nuk ka patur të lënduar por vetëm dëme materiale.
Loading ...
