Asesi s’mund të kishte lajm më të bukur për futbollin shqiptar se sa rikthimi i Skënder Gegës në krye të pankinës së Kukësit. Ditën e djeshme, trajneri i njohur u kthye nga Turqia duke fituar luftën me virusin “COVID-19”.
Pas një beteje të gjatë, Gega ka qenë sot i pranishëm në seancën e radhës stërvitore të ekipit të tij. Para nisjes së përgatitjeve, ai ka mbledhur skuadrën ku i ka falënderuar për punën e bërë përgjatë këtyre ditëve që nuk ka qenë i pranishëm. Siç e do zakoni, pas çdo lajmi të bukur, Gega ka menduar edhe për ëmbëlsirat duke qerasur ekipin dhe pjesën tjetër të stafit teknik.