Të shtunën Vllaznia do të luajë kundër Tiranës në kuadër të javës së 35-të të Superiores, ndeshje deçizive për sa i përket mbijetesës të këtyre skuadrave. Në këtë takim priten tifozë të shumtë në shkallët e stadiumit, duke ditur rivalitetin që është krijuar vitet e fundit mes këtyre skuadrave.
Drejtuesit shkodranë duke parë këtë situatë kanë vendosur të hapin dyert e stadiumit “Loro Boriçi”. Megjithatë për këtë drejtuesit e Vllaznisë duhet të marrin leje në FSHF, duke qenë se impianti shkodran është për momentin nën menaxhimin e Federatës. Zhvillime të reja priten në vazhdim në orët e ardhshme për sa i përket kësaj çështje.