Xhevahir Sukaj ka dhënë një prononcim për Supersport, ku ka folur për takimin e së shtunës që të kuqtë do të luajnë me Korabin. Sulmuesi shkodran deklaroi që tashmë është momenti i duhur për ta “bërë sefte” për këtë sezon me fanelën e kuqe. Madje zbuloi çfarë i kishte thënë trajneri Sulejman Starova.
“Mendoj që në këtë ndeshje është momenti i duhur që edhe unë t’i kem disa minuta në këmbët e mia. Të njëjtën gjë më ka thënë edhe trajneri Starova: ‘Është momenti yt për t’u aktivizuar’. Shumë takime jam detyruar t’i shoh nga tribuna dhe kur kam parë rastet që janë ofruar për sulmin, seriozisht kam dashur të jem në fushë. Ekuban nuk është një sulmues i mirëfilltë dhe ka shënuar aq sa ka shënuar. Imagjino të ketë një sulmues të mirëfilltë si partner në majën e sulmit.
Unë nuk premtoj gola, por premtoj që do të jem deçiziv”, ka përfunduar Xhevahir Sukaj.
Loading ...
