Lajmi i fundit/ Reagojnë sërish tifozët e Luftëtarit: Ky grup nuk mund të shkatërrohet për inate personale

Disa minuta më parë, në faqen zyrtare të tifo-grupit të Luftëtarit “Shqiponjat Bluzi” u shkruajt që përfundimisht ata kishin hequr dorë nga marrëdhëniet zyrtare me drejtuesit. Por, tashmë ky lajm është hedhur poshtë sërish, pasi siç duket ka qenë thjesht një kapriçio e njërit prej anëtarëve të këtij tifo-grupi. Përmes një njoftimi në faqen zyrtare, mbështetësit gjirokastritë bëjnë me dije që:

” Ju njoftojme se nje nga antaret e grupit per arsye personale ka shkruajtur nje status pak me pare ne emer te gjithe grupit pa u konsultuar me pare me ne te tjeret. Ky grup nuk eshte krijuar per tu shkatrruar per inate personale ! Ne jemi ne mbeshtetje te klubit dhe do vazhdojme”, përfunon njoftimi i tifo-grupit “Shqiponjat Bluzi”.