Lajmi i fundit/ Punime intensive në stadiumin e Peshkopisë, shtëpia e Korabit gati për Superioren

Prej disa javësh, stadiumi i Korabit i është nënshtruar një rikonstruksioni total për t’u bërë gati për fazën e tretë të Superiores. Në një foto të ardhur ekskluzivisht për newsport.al shihen qartë që po ndërtohen pankinat të cilët do të montohen brenda javës së ardhshme.

Burime për newsport.al bëjnë me dije se punimet brenda ambienteve të stadiumit janë drejt përfundimit. Gjithashtu duhet thënë që shtyrja me një javë e kampionatit ka favorizuar klubin dibran. Tashmë skuadra e drejtuar nga Gerd Haxhiu do të ketë mundësinë të luajë në shtëpi, përballë publikut të tyre.