Nesër Korabi do të luajë kundër Partizanit në kuadër të javës së 26-të të Superiores. Për këtë takim, klubi dibran ka dalë në një njoftim zyrtar ku bën me dije që nuk do të lejohet asnjë tifoz tjetër në “Selman Stërmasi”, veç atyre të Korabit. Në këtë mënyrë, ndryshe sa ishte folur, ultrasit e Partizanit nuk mund të jenë në mbështetje të ekipit të tyre.
“NJOFTIM
Ndeshja Korabi – Partizani e vlefshme për javën e 26-të të Superiores do të zhvillohet në stadiumin “Selman Stërmasi” në kryeqytet. Duam të bëjmë me dije se prezentë në stadium do të jenë vetëm tifozët e KF Korabit dhe në dispozicion të tyre do të vihen vetëm tribuna “VIP” dhe tribuna karshi, konkretisht tribunat “E” dhe “F”.
Theksojmë edhe një herë se nuk do të lejohet asnjë baner, poster, veshje apo shall ku përfaqësohen skuadra të tjera veç atyre të KF Korabi. Ftojmë të gjithë dibranët dhe sportdashësit të jenë të shumtë në mbështetje të ekipit”, shkruhej në njoftimin e Korabit.
Megjithatë nuk mund të përjashtohet mundësia që tifozët e kuq të jenë në shkallët e “Selman Stërmasit, por sigurisht duke u “kamufluar” si tifozë të thjeshtë.
Loading ...
