Korabi ka filluar seancën e radhës stërvitore të planifikuar nga stafi teknik, në kompleksin “Internacional Tirana”, në Pezë-Helmas. Lojtarët e skuadrës dibrane janë vënë nën urdhrat e teknikut Artan Mërgjyshi, së bashku me ndihmësit e tij. Por burime për newsport.al bëjnë me dije që në këtë seancë stërvitore kanë marrë pjesë edhe disa tifozë dibranë që po ndjekin nga afër përgatitjet e skuadrës së tyre. Siç duket Korabi këtë vit, pasi ka siguruar financat dhe stafin teknik, tashmë mund të thuhet që ka siguruar edhe mbështetjen e tifozëve të tyre edhe nëpër seanca stërvitore.
Korabi merr pjesë në Superiore, pas plot 52 vitesh. Por këtë herë dibranët duken se nuk do të jenë thjeshtë kalimtarë në kategorinë e më të mirave, pasi kanë objektiva të qartë për sezonin e ardhshëm.
Tashmë Mërgjyshi po punon edhe për përzgjedhjen e lojtarëve që do të përfaqësojnë ngjyrat e ekipit dibran për sezonin e ri.
Loading ...
Leave a Reply
You must be logged in to post a comment.