Lajm i fundit/ Sulmuesi i Tërbunit në provë te Korabi

Korabi po zhvillon seancën stërvitore në kompleksin “Tirana Internacional”, në Pezë-Helmas. Burime për newsport.al bëjnë me dije që ditën e sotme te skuadra dibrane po provohet sulmuesi i Tërbunit, Taulant Marku. Marku është vënë menjëherë nën urdhrat e trajnerit Artan Mërgjyshi. Tekniku i dibranëve është ai që do të vendosë nëse 22-vjeçari do të jetë pjesë e Korabit për sezonin e ri 2016-2017.
Taulant Marku ishte pjesë e Tërbunit sezonet e shkuara. Ai është aktivizuar për 35 ndeshje dhe ka shënuar tetë gola. Lojtari është prodhim i akademisë së Shkëndijës së Tetovës.