Laçi zgjidh ngërçin, braziliani do të jetë trajneri i sezonit të ri

Marselo Troisi erdhi në krye të pankinës dibrane në këtë merkato verore. Por problemi me brazilianin qëndronte se ai zotëronte vetëm Licensën UEFA A, që nuk të lejon të drejtosh një skuadër të Superiores. Kështu që kurbinasit patën menduar si zgjidhje që Ramadan Ndreu të ishte ai që do ishte trajneri formal te Laçi, pasi gjithë punën do ta bënte braziliani. Së fundmi mësohet që ky ngërç është zgjidhur dhe do të jetë vetë Troisi ai që do të drejtojë bardhezinjtë e Laçit, pasi braziliani ka nisur menjëherë kursin për të marrë Licensën UEFA PRO, që të lejon të drejtosh një skuadër të Superligës.