Laçi do të luajë kundër Iskrës, ndeshje e vlefshme për turin e parë të Conference League. Kurbinasit e drejtuar nga trajneri Shpëtim Duro shihen si favoritë, megjithatë fusha e blertë do të japë verdiktin përfundimtar.
Klubi laçian ka bërë një postim në kanalin zyrtar ku tregon edhe një herë axhendën e sfidës. Në orën 20:00, bardhezinjtë do të përballen me ekipin malazez në stadiumin “Elbasan Arena”. Optimizmi është i madh në kampin kurbinas, teksa do të luajnë në datën 7 korrik ndaj Iskrës.