Kukësi vë në shënjestër edhe portierin e Bylisit

Kukësianët janë shumë aktivë në merkato, ku kanë afruar disa lojtarë vendës dhe të huaj. Objektivi i radhës është portieri korçar i Bylisit, Stivi Frashëri, me të cilin drejtuesit e klubit verior janë takuar dhe kanë biseduar paraprakisht për kalimin e “gardianit” te blutë verilindorë, që tashmë janë të përqendruar te ndeshja e Europa League me Rudarin e Malit të Zi. Tashmë ata e kanë dorëzuar listën e lojtarëve të federuar për këtë kompeticion dhe kjo është një arsye pse çështja e portierit korçar nuk po merret me shumë nxitim. Bisedat do të vazhdojnë dhe gjasat janë që të ketë një akord financiar për të mbyllur më pas marrëveshjen.