Kukësi prej disa ditësh është në Turqi, aty ku do zhvillojë një fazë intensive përgatitore. Në pritje të datës 20 gusht për nisjen e Superligës, të besuarit e Skënder Gegës do provohen në disa teste miqësore.
Në 29 korrik, Kukësi luan me skuadrën e sapongjitur në elitën turke, Istanbulspor. Pjesë e tyre është edhe Et’hemi apo Rroca, dy ish-lojtarët që lanë Kukësin për të kaluar në Turqi. Veç tyre, edhe Tuzlaspor dhe Ettifaq janë kundërshtarët e verilindorëve.
Njoftimi:
Gjatë fazës përgatitore që po zhvillon në Turqi, ekipi do të luajë edhe 3 ndeshje miqësore që janë planifikuar. Ekipi do të zbresë në fushë në datën 29 korrik, ku përballë do të ketë ekipin e sapongjitur në Superligën turke, Istanbulspor.
Pak ditë më vonë, skuadra do të luajë ndeshjen e dytë miqësore ku përballë do të ketë Tuzlasporin ndërkohë që faza do të mbyllet me miqësoren e fundit ndaj Ettifaq FC, ekip i cili militon në Superligën e Arabisë Saudite.
29.07.2022 / ISTANBULSPOR AS – FK KUKËSI
04.08.2022 / FK KUKËSI – TUZLASPOR SK
09.08.2022 / FK KUKËSI – ETTIFAQ FC
