Të shtunën, Partizani do të luajë në transfertë kundër Skënderbeut, ndeshje e vlefshme për javën e dytë të Superiores. Të kuqtë e drejtuar nga Ilir Daja janë favoritë në letër, megjithatë në fushë korçarët kanë treguar se janë kocka për t’u thyer. Në fakt kryeqytetasit kanë kujtime të hidhura me bardhekuqtë e Korçës.
Në ndeshjen e tretë të sezonit të shkuar, Partizani u fut në fushë si favorit. Në një takim krejtësisht të dominuar nga të besuarit e Ilir Dajës, lojtarët e Migen Memellit u treguan të saktë duke arritur të mposhtnin 16-herë kampionët e vendit. Pritet me interes të shihet se si do të përfundojë takimi i së shtunës, mes dy ekipeve që ndryshimet kanë qenë të shumta në këtë merkato vere.