Prishja e fasadës së stadiumit “Qemal Stafa”, e cila kishte simbolikë të veçantë, nuk ka kaluar pa u përmendur nga opnioni sportdashës dhe jo vetëm. Por, kjo situatë ka kaluar edhe te kryeministri i vendit, i cili sqaron se çfarë do të bëhet më tej.
Duke sjellë në vëmendje një histori të lashtë dhe me doza therëse ironie dhe sarkazme, ai sqaron se fasada e stadiumit do të jetë e njëjta si para prishjes së tij, pra gurët në hyrje dhe dizajni nuk do të ndryshojnë, edhe pse për momentin e kanë hequr që aty, pasi po bëhet prishja e stadiumit të vjetër dhe ndërtimi i të riut.
“Më poshtë pak histori për kujeshkronjësit e fasadës së “Qemal Stafës” që zhvendosjen e përkohshme të gurëve, për t’u rivendosur më pas në zemrën e stadiumit të ri, e quajnë krim dhe sakrilegj të paparë!
Gjysëm shekulli më parë, me bekimin dhe angazhimin e vetë UNESCO-s, u krye operacioni kolosal i zhvendosjes së tempullit të famshem Abu Simbel mbi lumin Nil.
Pse?!
Sepse mu aty qeveria vendosi të ndertonte nje digë gjigande mbi lumin e famshëm!
Tempulli u pre në blloqe dhe u rindertua 100% siç ishte, por mbi një kodër tjetër.
Ky operacion “fantastiko-shkencor” njihet si fillimi i një revolucioni që zgjeroi këndvështrimin për si shpetohet dhe ruhet trashegimia kulturore, pa penguar zhvillimin e projekteve të reja që kërkon koha.
Operacionet e kësaj natyre, janë të vazhdueshme në kohët moderne dhe zhvendosja e përkohshme e fasadës së “Qemal Stafës” është vetëm një shembull modest; që tregon ambicien tonë për zhvillim, vetëdijen tonë për vlerat reale të trashëgimisë, aftësinë tonë për t’i kombinuar të dyja (dhe, fatkeqësisht, edhe prapambetjen mizerabël të kujeshkronjësve tanë të vajmedetshëm…
Duan s’duan #Rilindje do të jetë dhe
#ShqipëriaeGjeneratësTjetër🇦🇱do të bëhet”, shkruan kryeministri Edi Rama.